انا لا من بغيت ابدع قصيد اتعب على مبداه لو اشوف الهــدف قــدام عيــني لازم اختاره اعرف ان القصيد الجزل مبدا يكتمل معناه الى اخترت الطريق اللي يجملني بمشــواره ياكم واحـد ســرى ليله ولكن مابلغ مســـراه قبل يصل الهـدف يطلع عليه الصبح بانواره وانا الليله نويت اسري وفكري واصلآ مغزاه محـــدد لي مســـار وكل ريـع اعرف مسباره على درب الطموح اللي يوصلني على ممشاه مشــيت ولاحسبت حساب للمنشوار واسفاره وابا اسولف عن الخـــوه بعلمً واسمعوا فحواه بنبــــذه موجـــزه لعل هـــرجي تكمل ادواره ترى الخــوه لها منهــج ومبـــدا من بغا يلقاه يرافــق مثل ابو بســام والا يســـكن جـواره يخـاوي مثل حامد ياعسى رب الملا يرعاه ابو بسام رمـــز الطيب تاج الطيب وشعاره عزيز الاصل والمنشأ وطيبه زاد من مجناه قعياني مطيــري ما اختلق عن طيبه اعذاره خــوي الجنــب لا قلنا خـوي وماقفه يحماه انا اشهد غير اعده لو حصل تعداد واختاره ثلاث عقود خوتنا وطيبه ملتزم مركاه ثبوته في ثلاث عقود يفرض نوع مقداره خوي ان جاء لزومه يده ماحكت شعر علباه ولا عقــد حجاجه فالوجـــيه ولا طفت ناره وياكـــثر المزايا لو افل كتابها واقــــــراه مزاياه الفريده ماحصرها الجزل باشعاره وانا اعرف الكلام شوي في حقه ولا وفاه لكن تعبير بعض الشي عن طيبه ومقداره الشاعر : جمعه عيد الجهني