قلّلت شيرين عبد الوهاب من قيمة المعلومات الواردة في التسجيل المسرب لحماها حول سيطرة حسام حبيب على كل كروتها الإئتمانية، وحصوله على توكيلات قانونية للتصرف في أموالها، مؤكدة أنها "كلها ملك لزوجها"، وأشارت إلى أن بعض المعلومات المتداولة غير صحيحة.   وأشارت شيرين في الجزء الثاني من ردها الصوتي على أزمة التسريب المتداول لحماها حسين حبيب إلى أن زوجها من عائلة محترمة ولها أصول رفيعة، ولا أقبل توجيه هذه الاتهامات إليه.   وأضافت عبر حسابها بموقع تويتر: حسام راجل مفيش منه، والناس اللي زيه بقوا مش موجودين في حياتنا خلاص، وبالعقل احنا بقالنا 4 سنين متجوزين ولو كان فعلا راجل عايز يستفيد مني، كان عمل ولو حتى غنوة سينجل لنفسه.   وألمحت شيرين لصحة ما تردد عن وجود صراعات وازمات بينها وبين زوجها ولكن في إطار الأزمات العادية بين أي زوجين، وقالت: كل الناس بتتخانق وبتختلف عادي جدا، لكن الأكيد إنه بيحبني أكثر من نفسه.   وتابعت: انا ربني مديني مؤشر وقلب وانا حاسة إنه بيحبني وحاسة معاه بالآمان، ولم يضرني في شيء، كفاية إنه طلع من حياتي كل الناس اللي كانت بتستغلني، وطرد كل التعابين اللي كانت في حياتي.   ووجهت شيرين عبد الوهاب في الجزء الأول من رسالتها إلى جمهورها، طلب بالرفق بزوجها حسام حبيب، بعد تداول التسريب الصوتي المنسوب إلى والده، والذي تضمن ما وصف بالمؤامرة على ثروتها، وقالت شيرين إنها تلتمس العذر لجمهورها لأنه لا يعرف حقيقة شخصية زوجها.   شيرين ظهرت في مقطع صوتي مع صورة لها بين أحضان زوجها حسام حبيب، وقالت إنها بخير ولا توجد أية مؤامرات تحاك ضدها كما روج البعض، وقالت: عايزة أطمن كل الناس اللي بتحبني، الناس الكويسين إني أنا بخير ومفيش أي نوع من أنواع الخطر عليا ولا على حياتي.   اضافت عبر التسجيل المنشور كرد أول على الأزمة، عبر حسابها بموقع تويتر: ما حدث يحتاج لرد مطول، ولا مجال هنا للرد عليه بكلمتين، ولكن اسمحوا لي أقول لكم أن حسام جوزي اللى أنا معاشراه إنسان من أنظف الرجالة في الدنيا، وإنسان محترم، ومتربي وبيحبني أكثر من نفسه، ولا يستحق منكم كم القسوة ده.   وتابعت قائلة: بلتمس العذر لكم لانكم لا تعرفوه، ولكن هو إنسان ربنا حطه في طريقي في وقت كنت متكسرة ومتدمرة، وهو بنا لي شخصيتي وخلاني بقيت بعرف أتكلم ورجعني لنفسي تاني ومنحني الثقة.   وواصلت: حسام ربنا هو اللي بعتهولي، وربنا مش حيبعت لي حاجة وحشة، وبيحبني أنا وبناتي، بدليل أنه من ساعة ما اتجوزنا لم يستفد بأي حاجة ومعملش لنفسه أي حاجة، وعايش بس لرعايتنا.   وتطرقت شيرين لواقعة طردها لحماتها المذكورة في التسريب المتداول وقالت: بالنسبة لحماتي الست اللي ربت راجل أخلاقه عاملة كدة أكيد حتكون ست عظيمة.   وتجاهلت شيرين ذكر حماها، واختتمت الجزء الأول من ردها بطلب الدعاء لها بالذرية الصالحة، ونفت مجددا وجود أي أزمات في حياتها الزوجية. لمشاهدة أجمل صور المشاهير زوروا أنستغرام سيدتي