محمد اسماعيل - القاهرة - كتب- وائل توفيق: قالت الفنانة شيرين عبد الوهاب أن الفنان حسام حبيب هو "حب حياتها"، وذلك في مداخلة هاتفية لبرنامج "الحكاية". قالت: "أنا انهارده عايزة أقفل صفحة حياتي الخاصة مع الناس، لإن الحقيقة أنا كنت السبب في أن حياتي تتفتح عليهم، وتفتحت لهم، والحقيقة الناس انشغلوا بيا وسط مشاكلهم الكتير قوي، عايزه أطمنهم عليهم، وأقولهم، أنا في عصمة راجل طيب جدا، وحبيب من البداية، ولو كنت طلعت في يوم من الأيام، قولت كلام عنه كان هو مزعلني منه، أو كلام، ده شيطان بيحصل بين أي اتنين متجوزين، واحنا كان معمولنا حاجة كبيرة قوي، وإحنا كنا ضحية حاجة كبيرة قوي، والحمد لله ربنا فكها بسلام". وأضافت: " ولو على العمل، الكلام ده مقدرش اتكلم فيه، لكن هي حاجة شبه كده، لإن أنا أصغر إني اتكلم في الحاجات دي، لكن هي ذكرت في القرآن، وإحنا مش معصومين من الغلط، وأنا غلطت، لما تكلمت بصوت عالي، بس أنا ده، أنا دي، أنا شيرين، اللي هي تربيتكم، اللي طالعة من كل بيت مصري، أنا غلطانة طبعا إن أنا عملت ده في العلن، بس في الحقيقة كل حاجة كانت في العلن، أنا زعلي كان في العلن، وحبي كان في العلن، وكتب كتابي الأولاني كان في العلن، وكل حياتي هتبقى في العلن، أنا مستاهلش إن أنا أعيش في ضلمة، أو أعيش خايفة عشان أي حاجة". وتابعت: " بقول للناس، إني سيدنا محمد الناس اختلفت عليه، مش كل الناس اتفقوا عليه، وهو طبعا خير البشر في الدنيا وفي الآخر، إن أحنا نشوف حكايته وناخد عبرة لنا، في الأول حبي لحسام كان على المشاع، لسه بحبه، وأكيد، أنا معرفش أحب بسهولة، وأسيب بسهولة، أنا معرفش اكره، وده حب حياتي، وأنا بوعد الناس إني أنا في أمان عشان أنا في وسطكوا". كان ياسر قنطوش "محامي الفنانة شيرين عبد الوهاب"، كشف عن بيان نشره عبر صفحته في موقع فيسبوك، قال فيه: "نقلا عن الفنانة شيرين عبدالوهاب ورغبةً منها لبيان الحقيقة كاملة للرأي العام، وتفنيد لما ورد من شائعات وأخبار على لسان مدير أعمالها السابق المدعو ميمي فؤاد الذي تم إنهاء عمله من جانب الفنانة لعدم قيامه بالدور المطلوب منه طوال الفترة السابقة فإن الفنانة تعلن وتؤكد أن كل هذه الأخبار المتداولة مجرد شائعات مغرضة ولا أساس لها من الصحة". وعن شقيقها، كتب المحامي: "أنها تعرضت لمؤامرة كبيرة أحد أطرافها شقيقها المدعو محمد عبدالوهاب، وبعض المقربين لها حيث قام شقيقها بضربها وسحلها مستخدما سلاحًا في مواجهتها لارهابها وترويعها مع مجموعة من الأشخاص أصدقائه، وذلك ثابت بتحقيقات النيابة العامة، حيث وجهت الفنانة له إتهام صريح بذلك بالإضافة لاتخاذ إجراءات قانونية تجاهه عن واقعة السب والقذف التي ذكرت علي لسانه مع الإعلامي عمرو أديب". وأضاف: "وتعلن الفنانة أنها لن تتوانى لحظة عن مقاضاة أي شخص كائنا من كان يسىء لها أو لسمعتها وأنها كلها ثقة في النيابة العامة والقضاء المصري في إستعادة حقوقها وما تعرضت له من مؤامرة مغلفة بدافع الإخوة والشفقة وهذا بعيد كل البعد عن الحقيقة حيث ان هناك تقارير طبية في تحقيقات النيابة العامة تثبت صحة أقوالها وأنها في هذه الفترة الحالية متفرغة تماماً لأعمالها الفنية تاركه أمور التقاضي لمكتبنا بشأن متابعتها ومتابعة الإجراءات القانونية". قنطوش، اختتم: "وأخيراً تؤكد الفنانة بأنها خرجت من المستشفى بصحبة محاميها الخاص استقلت معه سيارته، وتوجهت إلى منزلها ولا صحة لما يتم تداوله خلاف ذلك". ورد محمد عبدالوهاب "شقيق الفنانة شيرين" المعروف بلقب "كونج"، على بيانها، عبر صفحته في موقع فيسبوك، قائلا: "حسبي الله ونعم الوكيل تمشي سواق يشتغل معاكي بقاله ٢٢ سنة، صاينك وصاين ولادك وشغالة بنت صغيره ملهاش ذنب". وتابع: "وميمي فؤاد الراجل المحترم بقي (المدعو) ميمي، اللي من شهر كنتي منزلة صورة ليه كاتبة عليها اجدع راجل في مصر ". وأضاف: "يا ترى بقي بعد كل ده "لوسي ابن طنط فكيهة" اللي انتي معاه من ساعة ما خرجتي في فيلا قرايبه في لاند مارك مبسوط".