الاسم: رانيا سعيد عبدالحميد.”كائن طفولي” صاحبة لقب ذات النقاب مستقبلاً. السن: 15سنة. المحافظة: الجيزة الموهبة: كاتبة خواطر، إسكريبتات، روايات. مبتدئة تصوير، رسم، ديزاين، شعر. بدأتِ امتى؟ _ بكتب روايات وإسكريبتات وأنا في تالتة إعدادي. وبدأت خواطر وأنا داخله تانيه ثانوي 9/10/2021. برسم من صغري ولكن بدأت أهتم برسوماتي أكتر. بدأت تصوير وشعر 24/11/2021 اكتشفتِها ازي؟ _كنت قاعده لوحدي قافلة نت ماسكه التليفون وفاتحه شاتي بدأت أكتب خاطرة ولكن مش عامية فصحى ومفشلتش بالعكس من أول محاولة نجحت بعد ما كتبت أول خاطرة فتحت نت وكنت مستريحه نفسياً وبشوف الأستيت لقيت بنت منزله للينك لجروب وبيشتركوا في كتاب روحت دخلت الجروب والأدمن كلمتني برايفت علشان تشوفني هشارك ولا لا وبالطبع قولتلها هشارك قالتلي بكام خاطرة؟ قولتلها بإتنين قالتلي تمم ابعتيهم.. بعتلها واحدة وقالتلي جميلة ومعبرة ابعتي التانيه. أنا فرحت جدا لما قالتلي أنها جميله فعلاً ولكن زعلت لما قالت ابعتي التانيه لأني كنت لسه مكتبتهاش. قولتلها هكتبها وابعتها قالتلي تمام وبالطبع كتبتها وبعتهالها ومكنتش قايلة لأي حد إني بدأت كتابة ولا حتى أهلي بس كانت بداية جميلة ومش هتبقي آخر حاجه إن شاء الله. نوع الكتابة: _ عامية، فصحى ولكن أميل اكثر للفصحى. مين دعمكِ؟ أمي. إنجازاتك؟ _أول إنجاز ليا كانت شهادة تقدير من جروب كيان غيث. تاني إنجاز كانت الشهادات بتاعت الكتاب إلي شاركت فيه وفرحت بيهم جداً. تالت شهادة كانت للمسابقة رسم في جروب كيان غيث ومستمرة إن شاء الله. جزء من كتاباتك: _نحن لا نُجيد النسيان، ستظل ذكراكم في أذهاننا دائمًا. في صباح يوم من الأيام استيقظت من النوم وصلّيت فرضي وقرأت قرآني وذهبت مُسرعةً إلى جدي كُنت أحتضن جدي كل صباح، كان حضنه مليئًا بالدفءِ والحنية، وفي اليوم التالي ذهبت أيضًا إليه ولم أجده. أين هو؟ أين جدي؟ لماذا أنتم تبكون؟ هل جدي بخير؟ لماذا لا أحد يُجيب؟ عندما سمعت صوت المؤذن وهو يقول توفي إلى رحمة الله وأنا لا أجد أي فرح، عُد إليَّ يا جدي أنا لا أستطيع العيش بدونك! الحياة كالغابات يركضُ فيها الناس ولا أجد قلبًا يحن عليّ. لماذا تركتني وحيدًا يا جدي؟ أنت تعلم أن ليس لدي أحدٌ سواك. الكتب الي اشتركتي فيها: كتاب ضوضاء أصابتنا. اشتغلتي ليدر او مؤسسة قبل كده و في كيان ايه؟ لا. الكيانات الي كنتي فيها: كيان غيث كيان شغف كيان ملوك الإبداع كيان حلم كيان طيف نفسك توصلي لأي في مجالك: أوصل لهدفي. ويكون لقبي أفضل كاتبة. تعرضتِ لحاجة احبطتك قبل كدَ في مجالك: أكيد اتعرضت لحاجات كتير وبسببها وقفت كتابة20 يوم ورجعت تاني لأني واثقه إني هوصل سمعت كلام بيحبطني كتير ومن أقرب الناس ليا ولكن مستسلمتش ومسمعتلهمش علشان عارفه إني قدها ومفيش مستحيل مفيش حاجه بعيده عن ربنا إن الله على كل شيء قدير. رسالة تحبي تقوليها لغيرك: في بداية الخطوة هتسمع كلام كتير جدًا منهم كتاباتك م لطيفه الشعر م كويس طيب الرسمه دي وحشه إلخ….! بس اجمد كده ومتستسلمش فكر كده. هما بيقولولك كده ليه؟ علشان هما مش عارفين يبقو زيك آه والله ولما توصل للي أنت عايزه هيتقربو منك جامد وهيفضلو يقولو صاحبي الجامد ويفضلو يحبو فيك وتشوف منهم حب مشوفتوش قبل ما تحقق حلمك وقتها هتبدأ أنك متهتمش بيهم ولا بكلامهم لأنهم مكانوش بيحبوك على فشلك ولما نجحت وبقيت أحسن منهم بدأو يحبوك علشان يقول للناس فلان دا صاحبي وحبيبي، أخويا، خليك في حلمك أسعى وهتوصل، خلي عندك ثقة في ربنا أنه مش هيخيب ظنك ربنا بيقول أنا عند حسن ظن عبدي بي فليظن عبدي ما يشاء دائمًا يكون الظن خير. ۞ وَبَشِّرِ الصَّابِرِين ۞ فكُن علَى ثقَه بِالله دائمًا. ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه؟ _أول أعمالي كانت خاطرة قلبي حزين. فخوره بيها جدًا لأنها أول شيء ليا. استفادتي ايه من تجربتك: ازدادت معلوماتي وتعلمت أن أسعى وراء هدفي. اكتر عيوب فيك ك كاتب ونفسك تغيرها؟ دائمًا كتاباتي عن الحزن ودا شيء معين وأنا بفضل أنه كتاباتي تبقا على كل شيء. السؤال الأخير ايه تقييمك لنفسك؟ محتاجه تحسن ومع الوقت هيبقا أفضل.    3