حالة من الجدل والهجوم سببتها تصريحات الإعلامية الشهيرة ياسمين عز مقدمة برنامج "كلام الناس" على قناة Mbc مصر، حيث دافعت عن الرجال من خلال العديد من النصائح والتحذيرات للنساء عن كيفية التعامل مع الرجل من وجهة نظرها، وهو ما عرضها لهجوم شديد من الكثير مؤخراً واعتبروا تصريحاتها غير لائقة وتهدر حق النساء. ودافعت ياسمين عن نفسها بعد الهجوم عليها مؤكدة أن نيتها ومقصدها من حديثها هو أن تعيش المرأة حياتها كأنثى رقيقة وتترك الرجل يمارس مهامه في البيت. وقالت ياسمين: "البعض ساب جوهر الموضوع والكلام الكبير اللي قولناه مع الضيوف ومسكوا في كلامي عن الفرخة والسجادة وفين أيام ما كنت الست بتدي جوزها الحتة الكبيرة من الفرخة". وتابعت: "بما إنكم فتحتوا الموضوع فأنا قريت حكمة صينية عجبتني بتقول البيت الذي تمارس فيه الدجاجة عمل الديك مصيره الخراب.. يبقى تسيبي الديك يقوم بشغله واكتفي بكونك أنثى رقيقة". وأضافت: "والله لو كلفتوا نفسكو وشوفتوا الحلقة كاملة فكلامي موجه للستات القادرة المفترية مش لكل الستات مقصدش الست الشقيانة على بيتها وعيالها دول كتر خيرهم، لكن كلامي موجه لفئة قلة". واستكملت: "سبتوا كل كلامي ومسكتوا في الفرخة والسجادة؟ أومال لو قولتلك إوعي تقولي لجوزك خد كيس الزبالة معاك وأنت نازل هتعملوا إيه؟" . وكانت ياسمين عز تحدثت في برنامجه الاسبوع الماضي عن الكثير من التعاملات التي تفعلها النساء مع أزواجهن تسبب المشاكل ووجهت نصائح للزوجات قائلة: "البيت بفلوس الراجل وتيجي مراته تقوله اقلع الجزمة علشان السجادة.. ده أنا أحط فساتيني الماركات تحت رجله يمشي عليها.. بتزعقي لجوزك ليه عشان بيدوس على سجادة الصالون بجزمته.. ما هو جايبها بفلوسه!!".