نشر الكاتب المصري أيمن نور الدين منشورا جديدا عبر حسابه بموقع التواصل الإجتماعي “فيسبوك” تحدث فيه عن أزمة شيرين الأخيرة بعد إيداعها في مصحة لعلاج الإدمان بالقوة من قبل أخيها. وكتب أيمن نور الدين: “ارحموا أهل شيرين .. يرحمكم الله بالنسبة للناس اللى بتهاجم اخو شيرين وأمها عشان فضحوها فى موضوع ادمان المخدرات وشايفين ان اهلها ضروها باللى عملوه ده وان اللى حصل ده من اهلها مالوش مبرر مهما كان السبب أحب أقولهم ان اللى ايده فى المية مش زى اللى ايده فى النار شيرين كانسانة وكأم .. خلاص كانت بتضيع منهم ومكانش فيه حل تانى غير كده ولا فرق معاهم الفنانة ولا النجمة .. ولا البرستيج واللى يجرى يجرى على الأقل كانوا عايزين يلحقوا الانسانة دى قبل ماتموت او تنت..حر ومشيوا بمبدأ نص العمى ولا العمى كله لما لقوها رجعت للمخدرات ولحسام تانى وعماله تتعاطى ليل ونهار وسايبه بيتها وولادها وقاعده فى شقة مفروشة مع حسام عماله تضرب كانوا عارفين انها خلاص رجعت للدوامة تاتى وعامية تماما وبتطرد امها ولا هاممها بناتها وانها المرادى غير كل مرة .. بالعربى .. مش حتقوم منها و فى النهاية محمد وامه الست الكبيرة ضعاف وعلاقاتهم محدودة ومعندهمش شبكة العلاقات اللى عند حسام وأصدقاءه ولا قادرين عليها ولا على حسام عشان كده ماصدقوا ان اعداد عمرو اديب عرض عليهم يتكلموا كانوا عايزين يصوتوا ويصرخوا بصوت عالى ويقولوا الحقونا .. الحقوا شيرين خصوصا لما اتقدم بلاغ فى محمد اخوها و هاتك يا ترهيب واتبلوا عليه انه ضربها واحتجزها بالعافية فى مستشفى نفسى وهو ماضربهاش ولا حاجه وعملوا شبورة عليه وعايزين يحبسوه ظلم عشان عايز ينقذ اخته ويخلصها منهم وطلع طبعا كله ده كدب وقمة الفجر وياعالم بقى كان حيحصل ايه فى شيرين لو محمد معملش كده بس اكيد حسام مكانش حيسيبها غير وهى منتهية خالص على الاقل شيرين دلوقتى فى مستشفى بتتعالج وفيه امل انها تخف وترجع لعيالها محمد وامه لو مكانوش استغاثوا بالمسئولين فى البرنامج وقلبوا الدنيا .. مش بعيد ان حسام كان قدر يخرج شيرين من تانى من المستشفى واستفرد بيها ودمرها تانى انا شايف ان اهلها مالقوش طريقة غير كده وبعدين يكشفوا ان شيرين مدمنة وبتتعالج احسن ولا يسيبوها لغاية ما تموت اوفر دوز لا قدر الله واخيرا .. حتى لو اهلها ليهم مصلحة عندها .. وماله .. على الاقل احسن ما يستولى عليها الرمة ده اللى عايزها مدمنة ومنتهية اى حد فى الدنيا احسن منه .. فما بالك اخوها وأمها اقرب الناس ليها ارحموا اهل شيرين يرحمكم الله وسيبوهم يربوا بناتها فى سلام .. وكفاية اللى هما فيه” شاهد أيضا أول تعليق من نقيب الموسيقيين مصطفى كامل على أزمة شيرين عبدالوهاب أول تحرك رسمي في واقعة تعرض شيرين لاعتداء على يد شقيقها.. ومفاجأة بشأن أقوال مدير المستشفى المحتجزة به والدة شيرين عبد الوهاب: بتسهر هي وحسام حبيب يشربوا مخدرات شقيق شيرين عبدالوهاب: ضبطتها تتعاطى المخدرات مع حسام حبيب -فيديو   كاتب مصري: إرحموا أهل شيرين .. يرحمكم الله مزمز