کل (جمعرات کے روز) امریکی خبر رساں ایجنسی "بلومبرگ" نے صدر جو بائیڈن کی انتظامیہ کے عہدیداروں کے حوالے سے بتایا کہ واشنگٹن کی ریاض کے ساتھ قریبی تعلقات کی کوشش کے ضمن میں امریکی قومی سلامتی کے مشیر جیک سلیوان آئندہ ہفتے کے آخر میں سعودی عرب کا دورہ کریں گے، جس کے بعد وزیر خارجہ انتھونی بلنکن دورہ کریں گے۔ ایجنسی نے بتایا کہ سلیوان آئندہ ہفتے مملکت سعودی عرب میں سعودیہ، متحدہ عرب امارات اور ہندوستان کے اپنے ہم منصبوں سے ملاقات کرنا چاہتے ہیں۔ ایک امریکی اہلکار نے توقع ظاہر کی ہے کہ سعودی ولی عہد محمد بن سلمان اس دورے کے دوران سینئر امریکی عہدیدار کا خیر مقدم کریں گے۔ "بلومبرگ" نے مزید کہا کہ بلنکن دہشت گرد تنظیم "داعش" کو شکست دینے کے لیے بین الاقوامی اتحاد کے اجلاس میں شرکت کے لیے آئندہ جون میں مملکت کا دورہ کرنے کا ارادہ رکھتے ہیں۔ جب کہ امریکی نیشنل سیکورٹی کونسل یا وزارت خارجہ نے اس خبر پر تبصرہ کرنا مناسب نہیں سمجھا۔ یاد رہے کہ سلیوان کی ملاقات ریاست ہائے متحدہ امریکہ، سعودی عرب، متحدہ عرب امارات اور ہندوستان کے درمیان اپنی نوعیت کی پہلی ملاقات ہوگی۔(...) جمعہ - 15 شوال 1444 ہجری - 05 مئی 2023ء شمارہ نمبر [16229]