صحيح القصايد تبلغ الغايه بالابداع وتتوِّج لقايلها وتطرب ل سامعها •••••• ومدحٍ لغير اصحاب الافعال ما ينصاع وتغور المياه اللي تغيّر منابعها •••••• سلامي على قرم بذكره وطيبه ذاع هقاويه من فوق الكواكب مواقعها •••••• هذا شايع اسمه بالجمايل وفعله شاع وهل الطيب تبقى ما تخلّي طبايعها •••••• نخيناه باسمه في لزومٍ وهو فزاع بيوم على المحتاج ضاقت وسايعها •••••• تبهلل حجاجه ثم قدم مانوى المرجاع نفعنا بعد ربي وخلق الله ينفعها •••••• يعز المقام وشاجعٍ يدرك الاوضاع ولا كبرت القاله ما غيره يسنّعها •••••• معاريف ابو صالح لها قلوبنا ميقاع وطيب المحاصيل استمت بإسم زارعها •••••• ولا استغرب المدات من طايلين الباع ولا انكر معاريفٍ تعدد تنوّعها •••••• ابوه الملاذ لمن لحقه الزمان وجاع رعا الوقفه اللي ربّنا ما يضيعها •••••• عسا الله يبيحه عد ما نسنس الذعذاع كريمٍ صفاته في عياله بقت معها •••••• الشاعر: زيد بن وازع الظلافع