أصبح ليونيل ميسي أفضل لاعب في العالم هذا العام مثار جدل في مصر بعدما عبر عضو بالبرلمان ومتحدث باسم الاتحاد المصري لكرة القدم عن غضبهما من تبرعه بحذائه لأغراض خيرية. وأذاعت قناة (إم.بي.سي. مصر) يوم السبت الماضي مقابلة أجرتها مع مهاجم فريق برشلونة الإسباني لكن إعلان اللاعب الأرجنتيني عن تبرعه بحذائه أثار ردود فعل غير متوقعة. وخلع النائب البرلماني سعيد حساسين حذائه خلال برنامج تلفزيوني يقدمه وقال إنه يتبرع به لصالح فقراء الأرجنتين. وقال حساسين: "جزمة مين اللي تبيعها يا عم ميسي؟ وتجيب كام يعني؟ انت متعرفش أن ضفر أصغر طفل مصري يساوي الدنيا دي كلها؟ ... روح بيع جزمتك لنفسك أو احتفظ بيها لنفسك أو بيعها لإسرائيل." "يا عم ميسي مصر فيها 90 مليون مواطن محترم معاهم جزم برده بس مش للبيع لحاجات تانية." "احنا مبناكلش من جزم حد. أنا كنت احترم ده لو قال إن الطقم بتاعي بتاع برشلونة كله بتبرع بيه لمصر. أوكيه مقبولة... إنما اطلع الجزمة بالمنظر ده.. دي إهانة للشعب المصري وأنا لا اقبل الإهانة للشعب المصري اللي مش لاقي ياكل بس عايش بكرامته." "السبعة آلاف سنة دول جوعنا كتير وعطشنا كتير بس عمرنا ما اتذلينا. احنا ذلينا كل الطغاة اللي جم مصر." وأضاف "الفقراء في الأرجنتين أكثر فقرا... الحذاء ده الأولى بيه بلده مش احنا. الأولى بيه الأرجنيتن مش مصر." وقالت المذيعة منى الشرقاوي التي أجرت المقابلة مع ميسي إن الأمر أسيء فهمه مضيفة أن ميسي لم يتبرع بحذائه لأعمال الخير في مصر. وقالت في مداخلة هاتفية مع برنامج تلفزيوني يقدمه حارس مرمى مصر السابق أحمد شوبير على قناة صدى البلد الخاصة "أنا مش عارفة هما جابو الكلام ده كله منين؟ كل اللي حصل أن احنا عاملين حاجة في بعض حلقات البرنامج بتاعنا. ان النجوم الكبار بيجيبوا حاجة تذكار أو حاجة مهمة في حياتهم المهنية وبيدهوالنا وبنعرضها في مزاد. الفلوس اللي بتطلع من المزاد احنا بنبعتها للنجم العالمي ده وهو بنفسه اللي بيحدد الجهة اللي هتروح ليها." وأضافت "لا ميسي قال لمصر ولا أنا قلت الفلوس هتروح لمصر ولا جبت سيرة مصر خالص. أنا مستغربة جدا من الناس اللي بتقعد تقولنا حاجات متقالتش أصلا." ولم يعلق ميسي على ردود الفعل الغاضبة من تبرعه بحذائه. ودافع اللاعب الدولي المصري السابق أحمد حسام ميدو عن ميسي. وقال ميدو في تغريده على حسابه على تويتر "أغلى ما يملك الكاتب هو قلمه وأغلى ما يملك الرسام هي ريشته وأغلى ما يملك لاعب الكرة هو حذاؤه..نفسي نبطل مزايدة على خلق الله.. #ميسي."