كم تعبت أقول يا المحبوب ياسمح المحيّا مو حبيبك من حبس حريّتك داخل سياجه انخلقت احسّ واتوجسّ وافكّر وآتهيّا انخلقت احتجّ وابدا في انفعالاتي واواجه انخلقت احب بعض احيان بعيونٍ عْميّا ولْا نشدت الليل عن قمراه ولّا عن سراجه انخلقت بروح حُرّه والمدى رحّب وحيّا شافها مولودةٍ مابين غبشه وانبلاجه انخلقت اهيم في كل واد وعروقي ظْميّا لين افرّق وش يكون الما قراحه من هماجه والحياة اللي توقّف لا هناك ولا هنيّا ماتخارج نزعة الشاعر وتصنيفة مزاجه ياحياةٍ ضيّقه حطّت ورى ظهري يديّا من خرج منها خرج بالكاد من عنق الزجاجه لاتزيديني من الحرمان؛ محرومٍ بليّا يا الحياة اللي ثلاث ارباعها حزن وسماجه