يا خلّي اللي فؤادك دالٍ سالي ولا عن غرامي دريت ولا عَنه سالي وش عاد لو وادي صدري بالغلا سالي قلبي شقى في هواك وبالغلا خاطر وفي تالي الليل جاء مسيّرٍ خاطر وجزاه منك الجفا مع كسرة الخاطر يوم ازرق الدمع والعبرات مرسالي * * * يا مطرق البان يا ليت اللقا همّك وانته من الود لا معطي ولا همّك أو ليت من هو سمحت بقدّك وهمّك لوني بعد غيبتك يا ما اكثره باسي وصبري جفل وانتحى وأحزاني إلباسي ويا ليت حظّي على خشم الرجال باسي وألقى دَعَاك الغلا ولشوفتي هَمّك