نشرت الفنانة منى هلا على صفحته الشخصية على موقع التواصل الاجتماعي «إنستجرام»، صورة لمجموعة من الخضروات وقدمت من خلالها مجموعة من النصائح للمساعدة على تناول طعام صحي، بأقل التكاليف. وقالت «هلا» ناصحة الأشخاص: «ناس كتير بعتت تسألنى عن النظام الخضرى (الفيجين) وإزاى بدأت، مبدئيا كده الفيجين مبياكلوش سلطة بس طول الوقت بالعكس عندنا أنواع كتير جدا ومع الوقت والتعود هتلاقى نفسك بتبتكر وعشان متحسوش بالزهق ممكن تعملوا الآتي نظم أفكارك فى التسوق أعمل ليستة بالخضار و الفاكهة والبقوليات والأرز والمكرونات والمعجنات (الخالية من المنتجات الحيوانية طبعا) والمكسرات قبل ما تنزل هتوفر فى الوقت كتير، خصص تقريبا أربع ساعات كل أسبوع أو بعد الشغل للتسوق وتنظيف الخضار وتقطيعه وتحضيره لمده أسبوع، فيه خضروات كتير دلوقتى ممكن تتقطع وتسلقها نص سلقة وتشيلها فى الفريزر زى البطاطس، والبسلة، والبامية، والفاصوليا الخضرا.. إلخ، دى هتسهل الدنيا كتير عليك وهتخليك تنوع فى الأكل وما تكسلش (كله جاهز ومسلوق وجاهز للطبخ على طول)». وتابعت: «الناس اللى بتحب السكر خلى عندك ديما تمر بطاطا مشوية أو عنب أى فاكهه فيها مسكرة عشان ما تستسلمش للسكر المصنع وصدقني مع الوقت هتكره طعم السكر خالص، والفاكهة هتبقى متعتك فى الحياة، دايما خلى عندك شوية فاصوليا حمرا أو أى بقوليات مسلوقة فى التلاجة عشان البروتين، ولو حسيت بجوع بالليل ومش عاوز تتخن شوية سلطة أو شوربة خضار وعليهم فاصوليا أو عدس أو حمص هيشبعوك ومش هايتخنوك، أحسب الفلوس اللى هتوفرها من عدم أكل المنتجات الحيوانية وأعمل حاجة لنفسك أو لحد بتحبه بدل ما كنت بترمى فلوسك فى سموم بتخش الجسم صدقنى ده هيشجعك تكمل». واستكملت: «الخضار اللى فى الصورة ده يكفى تقريبا فردين لمدة أسبوع هيتكلف تقريبا 100 جنيه، لو أنت فى مصر، 25 دولار فى أمريكا و30 يورو فى أوروبا، خس طماطم خيار جزر فلفل رومى وألوان كرنب بطاطس بطاطا كرفس وخضرة محشى بسلة بصل أخضر، أرجو الإخوة الخضريين الجداد يكونوا استفادوا من البوست ده وحياة نباتية سعيدة ليكم ولينا». ناس كتير بعتت تسألنى عن النظام الخضرى ( الفيجين ) و إزاى بدأت مبدئيا كده الفيجين مبياكلوش سلطة بس طول الوقت بالعكس عندنا أنواع كتير جدا و مع الوقت و التعود هتلاقى نفسك بتبتكر و عشان متحسوش بالزهق ممكن تعملوا الآتي : 1) نظم أفكارك فى التسوق أعمل ليستة بالخضار و الفاكهة و البقوليات و الأرز و المكرونات و المعجنات ( الخالية من المنتجات الحيوانية طبعا ) و المكسرات قبل ما تنزل هتوفر فى الوقت كتير 2 ) خصص تقريبا أربع ساعات كل أسبوع أو بعد الشغل للتسوق و تنظيف الخضار و تقطيعه و تحضيره لمده أسبوع 3 ) فيه خضروات كتير دلوقتى ممكن تتقطع و تسلقها نص سلقة و تشيلها فى الفريزر زى البطاطس ، البسلة ، البامية ، الفاصوليا الخضرا إلخ ، دى هتسهل الدنيا كتير عليك و هتخليك تنوع فى الأكل و ما تكسلش ( كله جاهز و مسلوق و جاهز للطبخ على طول ) 4 ) الناس اللى بتحب السكر خلى عندك ديما تمر بطاطا مشوية أو عنب أى فاكهه فيها مسكرة عشان ما تستسلمش للسكر المصنع و صدقني مع الوقت هتكره طعم السكر خالص و الفاكهة هتبقى متعتك فى الحياة 5 ) ديما خلى عندك شوية فاصوليا حمرا أو أى بقوليات مسلوقة فى التلاجة عشان البروتين لو حسيت بجوع بالليل و مش عاوز تتخن شوية سلطة أو شوربة خضار و عليهم فاصوليا أو عدس أو حمص هيشبعوك و مش هايتخنوك 6 ) أحسب الفلوس اللى هتوفرها من عدم أكل المنتجات الحيوانية و أعمل حاجة لنفسك أو لحد بتحبه بدل ما كنت بترمى فلوسك فى سموم بتخش الجسم صدقنى ده هيشجعك تكمل الخضار اللى فى الصورة ده يكفى تقريبا فردين لمدة أسبوع هيتكلف تقريبا 100 جنية لو أنت فى مصر ، 25 دولار فى أمريكا و 30 يورو فى أوربا خس طماطم خيار جزر فلفل رومى و ألوان كرنب بطاطس بطاطا كرفس و خضرة محشى بسلة بصل أخضر أرجو الإخوة الخضاريين الجداد يكونوا أستفادوا من البوست ده و حياة نباتية سعيدة ليكم و لينا See this Instagram photo by @mona__hala * 509 likes