كشف المخرج محمد العدل على صفحته الشخصية على موقع التواصل الاجتماعي «فيس بوك»، عن موقف غريب تعرض له، أثناء قيادة سيارته في نفق الشهيد أحمد حمدي، ولم ينقذه منه إلا اسم الفنان الراحل سامي العدل. وقال «العدل»: «النهاردة وأنا في نفق أحمد حمدي كشفوا على بطاقتي وبعدين نزلوني من العربيه وقالولي أنت عليك حكم، دخلت معاهم عند الكمبيوتر فلقيت الموضوع تشابه أسماء في اسمي الرباعي بالكامل، المهم لقيت أكتر من واحد باسمي الرباعي عليهم أحكام، الناس اللي معايا قالوله ده مخرج وقريب سامي العدل، الراجل قاللي أنت قريبه بجد؟ قولتله أيوة عمي الله يرحمه، ضحك وسابني أمشي.. أنا بحكي الحكاية دي عشان حاجتين، الأول إن لو اتقبض عليا بعد كده فأنا أكيد مظلوم، التاني إن إحنا عايشين بحس سامي العدل حتى وهو مش معانا الله يرحمه حبيبي».