نشرت الفنانة نشوى مصطفى على صفحتها الشخصية على موقع التواصل الاجتماعي «فيسبوك»، تعليقًا على زيارة الممثل الأمريكي ويل سميث، مشيرة إلى أنها لم تهتم بزيارته إلى منطقة الأهرامات، لكن ما جذب أنظارها هو عالم الآثار زاهي حواس الذي يقف بجواره رغم مرضه وعدم قدرته على التحرك بسبب خضوعه لجراحة بساقه منذ أيام. وعلقت «مصطفى» على صورة الفنان و«حواس» قائلة: «لو حد سألنى إيه أكتر حاجة لفتت نظرك فى الصورة، مش حاقول ويل سميث، حاقول إنها المشاية اللي دكتور زاهى حواس بيتسند عليها، والحقيقة المشاية حتخلينى أقارن بينها وبين الكيبورد، اللي حيقول لى وإيه وجه الشبه أو الاختلاف وإيه العلاقة أساساً». وتابعت: «الحقيقة مافيش علاقة بس فيه لما تشوف واحد عدى السبعين رجله مكسورة ونازل يشتغل فى حب مصر، وواحد قاعد قدام الكومبيوتر بيستخدم الكيبورد علشان يحذر السياح من أنهم ييجوا مصر، الفرق بين المشاية والكيبورد، فرق بين العشاق والكارهين، تحيا مصر بعشاقها».