نفسي على سوق النظر مستعدّه بين الفياض وبين ذيك الفياحي اطلق خيالي بالطبيعة وامدّه واخيل برّاقٍ من الغرب لاحي ريح الخزامى والنفل ريح ندّه تضفي على صدر المعنّى انشراحي والجو غايم من يشوفه يشدّه القاع ممطورة وكل البراحي والنار حيّه والمعاميل حدّه لانسنس الغربي خفوقي استراحي قلبي مع اللي يقتصد في مردّه متى تبسم يبتدي به صباحي متقلّبٍ طبعه عسى الله يردّه يطيعني نوبٍ ونوبٍ يناحي لا سلهمت عينه خفوقي يقدّه اهداب عينه لا شبحني رماحي يشبه عيون اللي كسب يوم هدّه حرن على المطلاع رف الجناحي حسبي عليه الله ياقو صدّه يومه شطح قلبي ولا أبرى جراحي - نايف العبيد