عندي أمل بكره يراودك الحنين وترجعين . وأضمك لصدري كالوطن ونبضات قلبي لك شجن و انتي لقلبي كل الأمنيات. مليت ترى مليت من طول الانتظار، والفرقة، والشتات. لو تسمحين .. يراودك الحنين وترجعي من جديد. مازال عندي في بكره أمل وبعد بكرة أمل إنك ترجعين. تعبت من الصور وبروازها صار باهت حزين مثلي أنا جداً حزين! لا تستغربي؟! عينك في عيني كي تعرفي كيف ذابحني الحنين خلي الأمل بكره يرجع من جديد وترجعين. ما عاد فيني صبر أتحمل غياب ؟ أرهقني السُهد و كثر العتاب! حتى نظراتك تؤكد إني مُتهم وأنا بريء من الغياب والله بريء من الغياب! عندي أمل بكره يراودك الحنين و ترجعين. ونتقاسم أنا وأنت أوجاع السنين ! و ننسى الألم و ننسى الأنين! يمكن بعد ننسى الزمان و ما نفكر في المكان! مازال عندي أمل بكره يراودك الحنين و ترجعين. ننسى العتاب وننسى أسباب الغياب. هو الأهم نلتقي نمحي الشقاء و ننسى أحزان السنين.