نشرت الفنانة نشوى مصطفى على صفحتها الشخصية على موقع التواصل الاجتماعي «فيسبوك»، موقفا غريبا أثار الشك داخلها، بعدما جلب لها زوجها، عماد، هدية دون سبب، بينما لم تعتد منه ذلك طيلة زواجهما. وقالت موضحة الموقف: «جوزى وهو راجع لقيته جايب لى شوكلاتاية دارك كبيرة، بينى وبينكم الفار لعب في عبى وسألته لو اتجوز عليا يعترف ومش هازعل، ضحك وقال لى لسه ماتجوزتش، قلت له أومال ليه جايب لى شوكولاتاية؟». وتابعت: «قال لى خطبة الجمعة اللي فاتت الشيخ قال لنا لازم من وقت للتانى تجيب لمراتك هدية بتحبها علشان تتقى شرها، وبعدين تراجع وقال لى أقصد علشان تفرح قلبها، السؤال اللي بسأله لنفسى آكلها وأقصر الشر ولا ما أكلهاش وأفرجه على برومو لشر الفترة القادمة».