عاوزة اتعلم أزاى اجذب شريك حياتى؟؟.....ده سؤال بنات كتير بتسأله.....لأن نفسها فى مواصفات معينةفى شريك حياتها وسمعت عن الموضوع ده كتير...وفى المقال ده هقول أول جزئية فيه وفى المقالات الجاية هنكمل باقى الجزئيات لأنه موضوع طويل شوية وليه كذا جانب...مبدئيا يعنى أيه جذب اساسا؟؟....الجذب معناه بكل بساطة إن كل اللى جواكى بيظهر على هيئة أحداث وشخصيات فى حياتك......يعنى أيه الكلام ده؟؟؟.....يعنى مثلا شخص مقتنع انه دايما محسود...فهتلاقيهعلى طول بيعانى من الحسد وبيشتكى لكل الناس .....شخص تانى يقلك انا دايما محظوظ....وبتلاقيه فعلا محظوظ....والناس عمالة تحسد فيه بس هو ولا فارق معاه!!!.....لأنه مقتنع من جواه انه محظوظ فبيجذب كل الحاجات الحلوة فى حياته.....وهنلاقى حتى فى ديينا ربنا بيقول...(أنا عند ظن عبدى بى...فليظن بى ماشاء).... يعنى الظن اللى جواكى هو اللى بيشتغل ....هو ده الجذب بكل بساطة.....طيب تعالى بقى لبنت متربية ان الرجالة كلهم خاينين...ياترى هتجذب أيه لحياتها؟....أكيد رجل خاين...يعنى انت عاوز تقولى يا كريم أنى لازم اعترف أن كل الرجالة كويسين ....طيب ما على فكرة فى فعلا رجالة كتير خاينين؟؟....ده رد ممكن بنت ترده عليا.....بس هقولها فعلا أكيد فى رجالة خاينين كتير بسأنت مالك بيهم؟؟؟.....ليه اصلا تركزى عليهم؟؟؟....تخيلى نفسك رايحة تشترى تفاح من عند الفكهانى ولقيتى عنده مانجو ويوسفى وفواكه تانيه.....هتروحى تتخانقى معاه عشان انتى مش عاوزاهم ...او عشان مش بتحبيهم!!!....لاطبعا....انتى بكل بساطة هتروحى تاخدى التفاح وتمشى.....هو ده الكون اللى احنا فيهاختارى اللى يعجبك وبس....ركزى على اللى يعجبك وبس.....ركزى على رجال محترمين....ركزى علىرجال بيعرفوا يسعدوا زوجاتهم....وبكدة انتى بتعدلى رادار عقلك على الحاجات الايجابية....وتشحنى نفسكبطاقات ايجابية....فتلاقى الكون اللى ربنا مسخره ليكى بيبعتلك زوج زى الازواج السعداء اللى انتى مركزة عليهم.....عرفتى بقى خطورة التركيز على الحاجات اللى مش بتعجبك....وللاسف بنلاقى اغلبالناس النهاردة بيعملوا كدة...ويرجعوا يشتكوا من الدنيا وقرفها ......كمان لازم تعرفى ازاى تنتقى صديقاتك وخصوصا المتزوجات ...لان اقرب الناس هما اللى بناخد منهم البرمجة اللى جوانا.....تخيلى كدة صديقتك التعبانة فى حياتها وهى عمالة تشتكيلك من زوجها....وانتىلسه متجوزتيش....هتكون فكرتك أيه عن الزواج؟؟؟....اكيد مش حلوة.....والعكس لو ليكى صديقة سعيدة فى زواجها.....ساعتها هتتعملى منها معنى السعادة..دى كانت جزئية بسيطة فى موضوع جذب شريك الحياة وبإذن الله نكلمل باقى الجزيئات فى مقالات قادمة..,