هل عقلك مجرد سلة مهملات!!هل عقلك مجرد سلة مهملات مجتمعية كل من يمر بك يضع فيه شيء ثم يذهب!!!!...لو انا اللى هجاوب على السؤال ده...تقريبا اجابتى كانت هتبقى (نعم)...بس ده لغاية من كام سنة فاتوا...لآنى فعلا كنت بسمح لأي شخص أنه يخبرنى بآرائه....سواء الرأى ده فيا أنا شخصيا...أو فى أى مشكلة تقابلنى ويا سلام بقى لو كلامه على هوايا....وبيوافقنى الرأى...يبقى حبيبى ..ولازم كمان استيشره فى كل مشاكلى..هييجى واحد يقلى وأيه المشكلة لما رأيه يبقى زى رأيك خصوصا لما تكون فى أزمة؟؟..هقلك يا سيدى.....حضرتك وأنت فى الازمة بتكون رؤيتك مشوشة يعنى مش شايف الامور صح ونتيجة لكدة رأيك مبيكونش دايما صح....أأأأأأأه.....عشان كدة لما بكون غضبان وأخد قرار ....بيكون دايما قرار سلبى وطايش؟؟....بالظبط كدة.......عمرك شفت واحد غضبان وخد قرار سليم...استحالة طبعا....عرفت بقى ليه حبيبك وسيدك (محمد) صلى الله عليه وسلم قالك(لا تغضب).....ببساطة الغضب هو بداية كل شئ سلبى....وفى مجتمعنا الغضب بقى أسهل حاجة.....تلاقى الكل بقى غضبان ومتعصب مش عارف ليييييييه!!!.....بس انا ممكن اقلك على سبب من وجهة نظرى هو سبب كبير للعصبية الزائدة عند اغلب الناس....وهو.....الاغانى والمسلسلات والافلام.....تخيل!!!!...أغلبنا وهو سايق عربيته أو راكب ميكروباص بيسمع أغانى.....والعرب بصفة عامة والمصريين بصفة خاصة بيحبوا الاغانى الحزينة...ومتسألنيش ليه....دى عادة...بس يارب يقطعها المرة دى....مثال عملى:-تخيل نفسك وأنت سايق عربيتك ومشغل أغنية رومانسية لعبدالحليم حافظ....هتلاقى نفسك سايق وانت هادى وفى منتهى الروقان....-طيب تخيل نفسك وانت سايق عربيتك ومشغل أغنية مهيبرة وسريعة.....هتلاقى نفسك بتسوق بسرعة كبيرة ويمكن كمان تعمل غرز بالعربية....-طيب تخيل معايا لو بتسمع أغنية كلها حزن وكأبة ولوم على الدنيا القاسية والاصحاب اللى مبقوش أصحاب...حالك هيبقى عامل ازاى....طيب لو حد كسر عليك غصب عنه ...تعاملك معاه هيبقى ازاى؟؟..فى كل مثال هتلاقى الثابت هو قيادتك للسيارة ولكن المختلف هو سماعك الاغنية....بس شوف الفرق أزاى!!!اللى عاوز اقوله أن أى حاجة انت بتسمعها بتدخل عقلك وبتأثر فيه....حتى لو كنت انت مش حاسس بالتأثير ده بس لازم تتأكد أنه موجود....زى بالظبط لما شخص بيحلم بكوابيس كتير...فأنت ممكن تنصحه وتقوله...ابقى شغل القرأن جنبك وانت نايم......وفعلا الشخص ده بعد كدة نومه بيكون هادئ.....طب ازاى ده حصل؟؟.....حصل لآن اللى بينام هو العقل الواعى فقط....أما العقل الباطن فلا ينام....وعشان كدة بيسمع صوت القران وهو شغال .....وتنتقل ليه كل ذبذبات القرأن الايجابية....تمرين اليوم:لاحظ خلال يومك ما تسمعه من اخبار واغانى وغيره....وفى نهاية اليوم حلل الايجابى منها والسلبى....ولو كان السلبى أكتر....فلازم تعرف أنك فى خطر..........وان كل الاحداث السلبية هتظهر فى حياتك قريب...ولو بتختار الاغانى المفرحة او الافلام او المسلسلات المفرحة ............فأنت بكدة بتختار المفرح من كل شئ..........وبناء عليه هتلاقى كل الاحداث المفرحة بتطاردك علشان تتجلى وتظهر فى حياتك.........وكل ده طبعا بإذن الله.