الشارقة: «الخليج» نظم مركز الشارقة للشعر الشعبي، في قصر الثقافة، أمسية شعراء من السودان، بحضور عبدالله العويس رئيس الدائرة، وأبو بكر محمد نور نائب القنصل السوداني بدبي، وعمر محمد صالح الملحق الثقافي، ومحمد القصير مدير إدارة الشؤون الثقافية، وراشد شرار مدير المركز، شارك في الأمسية نضال الحاج، محمود الجيلي، إيمان المتوكل، صلاح الدين الزبير. وأدارتها نعمات حمود.وقرأت الشاعرة نضال الحاج قصائد: البنية الفجتك، انا بريد البحر، وطن.. فنان؛ وفيها تقول:منوالخلاكَ فينا وطن/ ملان إيمان من الفاضي ومعبا من المسافة سكن/ منو الغناك وبيك رطن/ منو السندك على ضهر الزمان الشوم ملاك محن/ منو السكبك عقاباتك/ منو الرفعك غنا ودوباي بعطر فيض مساحاتك/ منوالدلاني لي أرضك عشان اسكن مساماتك/ منو الختاك في زاتي وملاني صبابة من زاتك/ بدور تفتح عويناتك/ تلاقي الأولياء الصُلّاح تلاقي عقاب وليداتك.محمود الجيلي قرأ قصائد: قالت الوردة، ساعة، صفق الشجر؛ وفيها يقول:انت الفرِض/ انت الأصول الراسخة والحب القديم/ انت المعزة الشامخة والطول والعرِض/ انت البلد/ انت الأماني البُكرة للبت والولد/ انت الأراضي البِكرة لا عد لا عدد/ انت الكريم بالفطرة زيّك ما اتوجد/ يا ربي يحميك لينا من عين الحسد/ يا بلدي يا نور العيون/ سوداني يا أجمل بلد.الشاعرة إيمان المتوكل قرأت قصائد: الغربة، قومي ثوري، الصباحات مستبدة، يا الله أديني اليقين؛ ومنها:يا الله ما اظنك بتدي قدر دا/ وجعة وحرقة ساي../ أوجعني تاني قدر تريد/ حامداك وشاكراكا ويزيد/ وطول عمري ما اقول ليك كفاي../ يا الله أديني اليقين/ وحبيبة صبر../ يا الله إنت الأدرى لو في الدنيا خير خليني أو كان ما في وديني القبر../ وريني كيفن أستقيم قدام دعاي ليك بالجبر../ أحنيني بس يا الله ليك/ واستغفر الله العظيم في كل مر../ واستغفر الله العظيم في كل لحظة علي تمر../ استغفر الله العظيم.واختتم الأمسية الشاعر صلاح الزبير، بقصيدة مهداة إلى صاحب السمو الشيخ الدكتور سلطان بن محمد القاسمي، عضو المجلس الأعلى، حاكم الشارقة؛ يقول فيها: سلام يافخرنا العربي وتمامة الحيل/ وسلام يا فارس اليوم البريع الخيل/ جيت شايل حروفا من جواهر النيل/ امدح بيها وارث العزة جيل عن جيل/ انت الخير وانت الرفعة وانت أصيل.