وعد الحق إن بيت أبوك يوم خرب شمر إيديك.. وابنيه وارفع اللى اتهدل وبالأصول... علّيه وارمى كلام الندل خلى القالب.. يغنيه دا الندل مهما هبش وحده التراب... يكفيه وابن الأصول م الشبع تجنى الدهب... ف عنييه ********* طبعك عجيب يا جدع بترخص الغالي وتعلى شأن الندل وتدوس على العالي وتفرح اللى ظلم والحسرة قعداالي ودنيا حالها انقلب وعهر أصبح أدب ولبانة بين الناس تخرب وانا مالي ********** لا تصدق الدجال ولا اللى بيبرر من أمتى كان الخوف بيبنى ويعمر إقرا التاريخ تعرف راح غيرك أشطر دا المجد بالشهدا والأحرار اتسطر والحق يوم عن يوم بالحلم رح يكبر خلى الرصاص يحميك وجهلك يننجيك لو غرتك شهوتك رب العباد أقدر وعده ووعده الحق على الباطل يظهر وعده ووعده الحق على الباطل يظهر