يا صباح الخير يا الغالي عادتك ما تتصل بدري كان ودك تعرف أحوالي والله إنه ضايقن صدري الهوى يازين غربالي ما يفيد مع الهوى صبري كم قتل بسيوفه ارجالي وكم رجل ما هو على خبري وكم فراق يحبط آمالي من غياب الزين وش قدري بين خلق الله وأنا لحالي ضايمن وبقلبي أهذري دمعي اللي بالوجن سالي أخفيه وأبحث له العذري وأنت ياللي ساكن ببالي ارحم اللي باقي فعمري تدري إنك عندي الغالي أو بعد يا زين ما تدري