تناشد «فاطمة محمد» (٣٥ عاما) التى تساعد زوجها في العمل على عربية كبدة صغيرة لمواجهة ظروف المعيشة القاسية، فاعلى الخير والثواب توفير ثلاجة تحفظ الكبدة من الفساد بسبب حرارة الجو المرتفعة خاصة مع دخول فصل الصيف، وتضطر فاطمة وزوجها شراء لكميات قليلة لمواجهة تلك المشكلة. تقول فاطمة أنا بساعد جوزى كل يوم على عربية الكبدة بأرض اللواء، وهو بينزل يشتريها متقطعة وأنا بروح السوق أشترى الفلفل والخضار وبقعد أغسلها كويس وأقطعها عشان نكون مستعدين كويس وبساعده في كل حاجة. وتواصل، احنا بنجيب الكبدة والسجق كل يوم بس بنشتريها غالية شوية عشان مش بنجيب كميات كتيرة.