تختلف وتنقسم آراء المصريين في تعليقها علي مجريات الأحداث بمصر، ولوحظ في الآونة الأخيرة أن كثير من آراء المصريين خاصه علي وسائل السوشيال ميديا اخذت منحني الشد والجذب واختلفت الاتجاهات بين مؤيد ومعارض حتي تصل أحيانا لمبارزات في الرأي بين أطراف النقاش . فيه ناس بتحب البلد ومن حبهم فيها مش بيحبوا يسمعوا اي نقد لها ودول بيطبقوا المثل اللي بيقولك مرايه الحب عاميه ،وحبهم لا فيه حسابات ولا مصالح وبيزعلوا قوي في نفسهم لما بيشوفوا اي سلبيات وبيلتزموا وقتها بالصمت ومن النوع ده ما يسمي بمصر حزب الكنبه. وفيه ناس اهم حاجه عندها مصلحتها وعشان مصلحتها عنده استعداد يدافع عن الغلط ويرفض الصح واكتر من كده عنده استعداد يبرر الغلط بمبررات ما لهاش وجود المهم مصلحته تبقي في امان ولو حد جه ناحيه مصلحته يتقلب دفاعه لهجوم في ثانيه النوع ده من البشر هو اللي بيسيء للي قبله ومن النوع ده الفلول ومنتفعي الأنظمة الراقصون علي كل الموائد. وفيه نوع ثالث بيحب الوطن وغيور عليه نفسه يكون افضل وطن بالدنيا لكن ما بيقبلش يشوف الوطن في أي وضع غلط او مخالف فتلاقيه بينقد كل سلبيه وما بيعديش وده حبه زي حب الأب لأبنائه اوقات بيقسي لكن بيتمناهم احسن ناس في الدنيا وتلاقيه علي قد ما بينقد وما بيعديش لو سمع حد غريب بيغلط في البلد ممكن يأكله غامل زي الام تدعي علي ابنها وتكره اللي يقول امين وده ممكن تلاقي حب البلد في قلبه ملوش حد بالرغم انك بتشوفه علي طول بينقد فيها لو شاف غلط ومن النوع ده شباب ثوره يناير . محمد قادوس يكتب : قراءه فى المشهد اللبنانى “اقتصاد لبنان الى اين ؟” وفيه نوع رابع ده ناقم علي البلد بمعني الكلمه لا طايق سيرتها ولا عيشتها عنده تار معاها بمعني الكلمه وممكن يقف مع إسرائيل نفسها لو هاجمتها وعمره ما يتمني لها الخير بالعكس ممكن لو الخير حصل يتجن وده اللي واخد النوع اللي قبله في رجله ومن النوع ده الإخوان . وفيه نوع خامس في عالم تاني لا فارق معاه اي حاجه مقضيها وخلاص لا معاهم ولا عليهم واهي ماشيه ولقمه العيش أهم عنده من السياسه وأحيانا تلاقيه مع دول وأحيان أخري تلاقيه مع دول مش عايز يزعل حد ومن النوع ده غلابه كتير في البلد دي. كلنا مصريين ولكن فيه نوعين مننا هم دول الوباء اللي لازم كلنا نرفض اسلوبهم لان مصلحتهم فوق وطنيتهم ، وطبعا هم النوع الثاني والرابع ما تخليهموش تزعلوا من بعض و تخسروا بعض ، وانت إن لم تكن من هذان القسمين فأنت وطني رايك يحترم حتي لو تخالف ارائكم لبعض يجب أن تحترموا اختلافكم وتحزروا أن يتحول لخلاف . انت بقي شايف نفسك اي نوع شارك بتعليقك 😊