لو حضرتك او حد من اولادك تم تشخيصه بأنه مريض بمرض سرعة الترسيب فاسمحولى اصدمكم.مفيش مرض اسمه سرعة الترسيب اصلا غير فى الحواديت.ويمكن مش موجود فى الحواديت كمان أمال إيه الحكاية؟ الحكاية إن الجسم لما بيتعرض لأى تهديد زى ميكروب معين او التهاب شديد او ورم خبيث دفاعات الجسم كلها بتبقى مستعدة وبتفرز مواد لحماية الجسم من اى هجوم ومن ضمنها مادة اسمها الفيبرينوجين ودى المسؤولة عنإيقاف اى نزيف.المادة دى لقوها بتمسك فى كرات الدم الحمرا فبتخليها تقيلة.وبالتالىلو حطينا دم الشخص فى انبوبة بنلاقى ان سرعة ترسيب كرات الدم الحمرا دى او سرعةسقوطها فى الانبوبة بتبقى ازيد من الطبيعى.وهو ده تحليل سرعة الترسيب. يعنى لو شخص جاله التهاب بسبب ميكروب او بسببورم او بسبب لخبطة فى المناعة بنلاقى سرعة ترسيب كرات الدم الحمرا عندهزيادة.وبالتالى اسباب زيادة سرعة الترسيب اسباب كتيرة اوى لانه الميكروباتوالاورام الخبيثة والامراض المناعية برضه كتيرة. وبالتالى سرعة الترسيب بتبقى زى لمبة حمرابتنبهنا انه فيه حاجة مش مظبوطة لكن السؤال امتى احنا كأطباء بنقلق من سرعةالترسيب؟لو كانت عالية جدا فوق ال 100 فده بيدينا احتمال ان الشخص ده مصاب بعدوىشديدة زى الدرن(السل الرئوى) او ورم خبيث أو التهاب مناعى شديد بالجسم زى الذئبةالحمراء أو الروماتويد والنقرس والتهاب الأوعية الدموية المناعى.وفى كبار السنبنخاف اكتر من الاورام الخبيثة ومرض مناعى اسمه الالتهاب الشريانى بالخلاياالعملاقة Giant cell arteritis واللى فيه بيبقى الم فى الفكين واعلى الفكينمع الم شديد فى الكتفين والحوض وممكن كمان يؤثر على العيون نتيجة التهاب مناعى فىالشرايين الرئيسية فى الجسم. طب دلوقتى انا حللت لقيت سرعة الترسيب عاليةشوية بس انا مبشتكيش من حاجة او رجلى واجعانى شوية.هل أنا دلوقتى مريض بسرعةالترسيب؟   نقول تانى انه مفيش مرض اسمه سرعة الترسيب.لكنلو حضرتك فعلا مبتشتكيش من حاجة خالص وعملت التحليل بالصدفة ولقيته عالى او شكوتكبسيطة زى وجع فى الجسم بسيط مع المجهود مثلا او رجلك بتوجعك من كتر الوقفة وباقى الفحوصاتسليمة والفحص من الطبيب كان سليم فالاحتمال هو ان حضرتك يكون عندك دلوقتى او كانعندك من فترة قريبة اى عدوى بكتيرية او اى التهاب بسيط زى دور برد او لوز او اسهالاو التهابات فى الاسنان او التهاب مجرى البول  ولان سرعة الترسيب لما بتعلى ممكن تفضل عالية لفترة قد تصل لاسابيع فممكن جدا حضرتك تخف وتفضل سرعة الترسيب عالية. وأقول لحضراتكم مفاجأة؟ممكن يبقى سرعةالترسيب عالية بدون اى سبب وطبيعة جسمك كدة وبالتالى ساعتها لا داعى للقلق ولاحاجة والحدوتة ما تخوفش