مرت ثلاث سنوات وأفاق عبد السلام موظف الدرجة الثالثة من غيبوبته بعد معركته الشهيرة مع زعبولا عامل البوفيه بالشركة والتي تسببت في اصابته بكسر في يديه وقدميه وفقد عين وفتح بطن..أفاق ليجد نفسه محولا الى التحقيق بعد ثلاث سنوات في نفس الواقعة..أما عن زعبولا فقد تمت ترقيته ليصبح سكرتيرا خاصا لمدير الادارة..وسكرتير هنا ليست بالمعنى الحرفي لمهنة السكرتير..فمن مهام وظيفته الأساسية احضار الخضار من السوق وتغيير أنبوبة الغاز وتغيير البامبرز لأطفال السيد المدير وتوصيلهم للمدرسة واحضارهم..الخ. عبد السلام يقف أمام نفس المحقق الذي قام بالتحقيق مع زعبولا  من ثلاث سنوات. المحقق..حمد الله عالسلامة يا استاذ عبد السلام  عبد السلام..الله يسلمك المحقق..طبعا حضرتك فاكر الخناقة اللي تسببت في دخولك غيبوبة تلات سنين  عبد السلام..مش أوي..انا قمت من الغيبوبة عالتحقيق فورا المحقق..حضرتك متهم بسب وقذف السيد زعبولا..قولت ايه عبد السلام..قولت ايه في ايه..أنا انضربت ودخلت في غيبوبة تلات سنين وجاي تقولي اني متهم وزعبولا حر طليق  المحقق..أهو ده اللي عندنا واذا كان عاجبك عبد السلام..لا طبعا مش عاجبني..ده ظلم المحقق..انت هاتعلمني الظلم والعدل..طب خد عندك من بكرة تنزل شغلك الجديد بعد الترقية عبد السلام..ترقية ايه المحقق..تنزل عامل بوفيه ونظافة بدل زعبولا سكرتير المدير  عبد السلام..ازاي يعني..ده أنا موظف درجة تالتة يعني مؤهل عالي المحقق..هاتنفذ القرار ولا نتخذ قرار تاني عبد السلام..لا أنا اللي هاخذ القرار وحالا..(يخرج من طيات ملابسه سكين ويشهرها في وجه المحقق..)..وللحديث بقية