الولاء والوفاء واللحمة الوطنية ووحدة الصف والكلمة يجسد كل منها الشعر الشعبي الجزل، ولطالما كتب أبرز الشعراء قصائدهم التي هي محل اعتزاز أبناء المملكة العربية السعودية قاطبة بمقام سيدي ولي العهد نائب رئيس مجلس الوزراء ووزير الدفاع صاحب السمو الملكي الأمير محمد بن سلمان بن عبدالعزيز آل سعود -أطال الله عمره وأدام عزّه- الذي له في كل مُنجز مُشرِّف للوطن بصمة توثقها جهوده المتمثلة في النقلة الكبرى التي حققت وتحقق أهدافها العاجلة واللاحقة بشهادة دول العالم وعلى رأسها رؤية 2030 وغيرها على كل الأصعدة قال الشاعر الأمير بدر بن عبدالمحسن: يا محمدٍ حيّيت يانسل الأمجاد جمرة هل العوجا وشعلة ضياها حنّا نشوف الصبح من قبل ينقاد في مفرقك والشمس غضٍ سناها نحتاج لك روحٍ ونحتاجك فؤاد ونحتاجك أرضٍ يامعمّر ثراها ولوجه الشبه الكبير في الأدوار الكبيرة التاريخية بين مؤسس الوطن الملك عبدالعزيز بن عبدالرحمن - طيب الله ثراه-وبين حفيده ولي العهد الأمير محمد بن سلمان -حفظه الله- الذي أخذ حتى من ملامحه في الشبه منه الشيء الكثير قال الشاعر المتميز معالي سعود القحطاني: لو شاف « أبوتركي» مواقف حفيده عرف بأن المُلك ثابت ومنصان ومنها قوله: يا سيدي محبتي لك فريده قربك فخر أحس به كل الأحيان أغليك جعل سنين عمرك مديده وفاي وإخلاصي لكم خير برهان تجاذبوك أهل الفعول المجيده بين المؤسس وأبيض الوجه راكان وعن المدى غيرالمحدود لمحبة الجميع لولي العهد الغالي - أطال الله عمره وأدام عزّه- يقول الشاعر معالي تركي آل الشيخ: من مساري الليل لأطراف النجوم ومن ضحوك الفجر لين آخر مدار تبتسم لك يامحمد كل يوم أرضك وتنبت صياهدها خضار وتحت ظل الشمس والوضع امحسوم وفِي السماء والأرض أو فوق البحار نكتب اسمك بالذهب فوق الغيوم ونكتب اسمك حب وأمجاد وشعار وعن الإنجازات المتلاحقة المنبثقة من رؤية-2030- ومنها (نيوم) يقول الشاعر علي بن نايف الغامدي: ياسيّدي رأيك اللي زاح الاوهام اليوم لك في الفضا صوله وجوله سيفك مجرّد وعزمك عزم ضرغام ورأيك مسدّد ونظراتك شموله بديت ( بنيوم) يومن غيرك ينام وروّضت موج المحيطات المهوله وحّدت صف الجيوش بسيف الإمام وعدّلت راس العروبه عن ميوله وعن مواقفه الكبيرة وقراراته الشجاعة على كل الأصعدة يقول الشاعر عبدالله بن عبيان اليامي: وقت الشدايد يبين اللي يدوس الخطر ولا يهم العواصف لو تحط وتشيل أنا أشهد إن مملكة سلمان فيها صقر أشقر حرارٍ ليا هدّه يجيب الجزيل ياطيب راسك يابوسلمان وانت الفخر يافزعة الدار ياسيف الخليج الصقيل ويقول الشاعر مشعل بن محماس الحارثي: وجه السعد درع البلد لاعدمناه ابن المليك اللي على الشعب غالي سلمان أبوه وجدّه امعزّي أشباه وهو من الإثنين ماهو بخالي هذا الذي لولا الولي ثم لولاه يابري حالي كان يابري حالي على محمد قولوا الحمد لله والشكر للمولى عظيم الجلالي محمد محمد زبون المخلاّه ومفتكّها ماشربكتها الحبالي اللي بيمناها خذاها بيمناه ولحمولها نوّخ ظهور الجمالي الحكم يبغى واحدٍ كنّه إياه يضرب على روس العدو مايمالي متفّهقٍ ماتلحق أقصاه وأدناه وبكفّته مايرجحن الجبالي ويقول الشاعر راجح المغيري: معك ياعين رؤيتنا وروح الشباب امتطينا الفضا من بعد عوص النضا عذب للمسلمين وللمعادي عذاب يوم شعبك رضى عمر العدو مارضى ويقول الشاعر جزاء البقمي: ياشامخ الوقفات يالمقدام يالحر العديم ياللي تهوم الطايلات بوقفتك وترومها تاريخك المجد المظفّر عزّك العز المقيم في سوق من يرهي على الجزلات يفرق سومها مالان عزمك ياوريث الحكم والمجد العظيم يوم الرجال يليّن الوقت الشحيح عزومها ويقول الشاعر عبدالله حمير القحطاني: قد مطاليع السرايا وارتكن وقد جيوشٍ تنتظر تحيّتك لانك اللي توزن أمورك وزن لامشيت الأرض تخشى هيبتك ويقول الشاعر تركي المريخي: محمد ولد سلمان تاج الاماره نسل هل العوجا ملوك الجزيره كسبت من سلمان هيبة وقاره ورمت العظايم ما تروم الصغيره