اقوام متحدہ کے سکریٹری جنرل انٹونیو گوٹیرس نے کل کہا ہے کہ وہ بھوک کی لہر کے پھیلاؤ پر گہری تشویش کا شکار ہیں اور یہ ایسے وقت میں ہے جب یوکرین میں جنگ سے دنیا کے مختلف حصوں میں غذائی تحفظ کو خطرہ لاحق ہے۔ یوکرین میں جنگ نے اناج، کھانا پکانے کے تیل، ایندھن اور کھاد کی عالمی قیمتوں میں اضافہ کر دیا ہے جبکہ اقوام متحدہ کی ایجنسیوں نے خبردار کیا ہے کہ زیادہ قیمتیں افریقہ کے غذائی بحران کو مزید بڑھا دے گی اور فروری میں شروع ہونے والی جنگ نے بحیرہ اسود میں جہاز رانی میں خلل ڈالا ہے جو اناج اور دیگر سامان کے لیے ایک بڑا راستہ ہے اور اسی کی وجہ سے یوکرین اور روس کی برآمدات بند ہو گئی ہیں۔ گوٹیرس نے کہا ہے کہ مجھے کہنا ہے کہ میں بہت فکر مند ہوں اور خاص طور پر جب دنیا کے مختلف حصوں میں بھوک کے خطرے بڑھ رہے ہیں اور یہ سب یوکرین میں جنگ کے نتیجے میں خوراک کی حفاظت کے حوالے سے ہمیں جس المناک صورتحال کا سامنا ہے اس کی وجہ سے ہوا ہے۔(۔۔۔) جمعرات  10 شوال المعظم  1443 ہجری  - 12   اپریل   2022ء شمارہ نمبر[15871]