والله اني من فراقك يا المهيض يا بعد برق القوافي يوم ناض لا سليم فالغرام ولا مريض لين ضيعت الطوال من العراض ابتديتك باللحون من القريض وانتهيتك وازرق الدمعة شواض كل ما عنيت لي قلت الحظيظ من تلوى بك نهار الشوق هاض ودي اسرق مبسمك والله حفيظ وإن زعلت اشوي من هاذي تقاض فيك ملح وفيك حلو وبالنقيض جامعٍ عذب السواد مع البياض فيك لين وفيك دل وفيك ريض وانت واللي جابني لك ما تعاض مبديٍ فيك البها شيء يغيض تالعات الجيد خرسات اللحاض كل ما مليت بالعود الغضيض وابتلت قذلتك بالسود الغواض عودت كل الليال السود بيض واصبحت هدف المحاني لك فياض مدهل لك بين مرباع ومقيض لو انا خابرك للبلوى حياض وان بغيت العلم بالمعنى العريض وين أنا وين أنت يا ليل الرياض - خالد العتيبي