شعر- فهد بن دخيل الله بن طما الحربي اظلم الليل وشتاه الصلف دمعه حدره من محاجر نجد وعيون الحجاز اليا الحدود ياوطن ليلك حزن بالسر ولا نجهره الحزن مشروع في ذا الوقت والله معبود وعظم الله اجر سلمان وعسى الله يجبره فيك يابو متعب ومرحوم يا نسل السعود عظم الله اجر شعب المملكه واجلى كدره فالمصاب اللي غشى الامه وبالديره يسود لا اعتراض على قضاء الله وامره وقدره لكن الطف يا اله الخلق يارب(ن)ودود عبدك اللي قد رحل بالخير خلقك تذكره حامي الدين الحنيف وكل خلقك له شهود شاهر الاسلام بالعالم وبيتك عمره وسعه لين اتسع للي على بيتك ورود كان انسان وملك عادل وصيته يشهره كل هالعالم بكف وثقل ابو متعب يزود سيرة ابونا وذكراه الجليلة وسهره لجل شعب المملكه والمملكه ماله حدود من يقول ان الملك قد مات مافيه اثمره والله ان الروح قد قبضت ويبقى فالوجود دام سلمان الملك لله درك ما اندره اشهدو بانا نجدد له ولانا والعهود ياالملك سلمان حنا شعبك اللي تخبره كلنا في صف واحد عن حمى الدوله نذود ولولي العهد بيعه صادقه ومؤقره مقرن ومقرن سليل العود حلال العقود ولولي ولي عهده بيعة ن اميسره ثم بيعتنا لقادتنا الفهود آل السعود ندعي الله للمليك برحمة ن ومغفره كل وقت وفالصلاه و بالركوع وبالسجود التصنيف: ملامح صبح