"دائره" دارت على هذا المكان و"المربع" في الزوايا مكتفي ضاقت اضلوعه وغادرها الأمان بس كل ما تضيق چنّه محتفي! ما فهَم إنّ الفرح ماله ضمان يمكن بلحظه ودقيقه يختفي ودورة الفرجار في رسم البيان ما تلف وتدور بالحبر الخفي والفساد اللي انستر لازم يبان ما يصير اللي يديره مختفي نعرف اسمه وله مكانه وله مكان وكل ما نسأل، يردّون بـ نفي! تكتسي الدوله بهيبه وصولجان لمّا ما تستر أسامي وتصطفي ولّما ما تحقد وتنسف كل حنان إن كِشَف زلّاتها الحُر الوفي عندي بالأمثال مثل المهرجان عن أسامي أحرار محكومه بنفي!!