داخل نطاق السماعات الحيط ورق السقف آيل للسقوط الإيد بترعش م الزعل ومن الحقيقة البور رفعت جبينها للسما ساعة شرود بدأت تقول.... كان ليه يا سور تبنى لى جتة صغيرة تقبل تكون مقسومة دايمًا لأربعة فى عيون ولد....؟ وإن كنت كاتب كل شىء اشمعنا أنا.. أول ما داست شمس على ضلى لاقتنى عرض ف بترينات حوا كل اللى أقوله بيتحسب ضدى علشان كدة وفرت زعلى ف كلمتين (عادى.. مفيش) إن كان مؤكد هندفن.. تسمح....... أنا جاية أجرجر شنطتى للقبر هرمى الحزام الجلد من وسطى وهسيب هدومى كلها ملكك لو كنت يوم هترجع الدنيا.. أنا عايزة بس أعرف بنات تانيين أسود ما فيهم ضل وبيعشقوا حرفين(لام.. ألف) بيثوروا بيهم لو دهسهم خوف من شخص فى الشارع.... عايزة كمان يارب أفضل أنا وياك اتهنى بالمشهد.. ولو الملايكة زعقوا فيا تفرد سحابة ريشهم الهايش وتلف بيه الأرض علشانى يمكن يثوروا هما بالحرفين ف يجينى واحد منهم يهمس صعبان عليا تبقى وحديكىممكن أكونلك فى الحقيقة خيال أو شخص عابر من على جبينك يديكى وردة كل ما تطلى ويصلى ليك طول قيام الليل... أوعاك يارب تسبنى من تانى رجعنى ليك.. أو حتى نسينى.. طب عايزة دنيا تانية غير دية.. مش عايزة جنة تجينى وأنا خايفة أفرد شعورى بين إيدين حبين ولو نويت خلقى قولى بس.. إزاى بجد أنا هتسأل وأنا جيت هنا بالجبر؟طب ليه بتخلق احتمال ديما فى تأويل البشر؟مع أن معروف المصيروليه يارب زرعتلى فدان من الجنة هنا