عراقی دارالحکومت بغداد کے شمالی مضافات میں واقع طارميہ کے علاقے میں "داعش" کے جنگجوؤں نے کل صبح طلوع آفتاب کے دوران "پاپولر موبلائزیشن فورسز" پر حملہ کیا ہے جس کی وجہ سے کچھ افراد ہلاک اور زخمی ہوئے ہیں۔ حکومت، "پاپولر موبلائزیشن"، اور "النجباء دھڑ" جن کے افراد حملے کا نشانہ بنے ہیں ان کے بیانات کے مطابق اس حملے کے نتیجے میں حشد میں سے 4 افراد ہلاک ہوئے ہیں جن میں 12 ویں بریگیڈ کے ڈپٹی کمانڈر بھی شامل ہیں اور ان کے علاوہ اسی بریگیڈ کے 8 افراد بھی زخمی ہوئے ہیں۔ اسی سلسلہ میں جوائنٹ آپریشن کمانڈ نے ایک بیان میں اس بات کی تصدیق کی ہے کہ یہ افراد دار الحکومت بغداد کے شمال میں ضلع طارميہ کے علاقے ثائر الاول میں ایک سنائپر کی فائرنگ اور دھماکہ خیز ڈیوائس کے دھماکے سے (داعش) عناصر کی جانب سے کیے گئے حملے میں مارے گئے ہیں۔(۔۔۔) اتوار 12 محرم الحرام 1443 ہجرى – 22 اگست 2021ء شماره نمبر [15608]